waste $...waste time...

有那麼多資金, 那麼優勢導演, 不俗的演員 (謝霆鋒做演員真係唔差, "半支煙"已看出), 真係唔明點解出多小小誠意, 做個像樣的故仔呢? 已經唔係要求一個驚天動地的故事, 一個簡單的故事已經可以好好睇睇收場. 係咪人地外國有"魔戒", 有星戰, 有"Matrix", 就要一心用特技比拼呢?!" 魔戒","星戰", "Matrix" 全都有一個很紮實的故事而利用特技幫助的. 劉鎮偉以為"西遊記"得, 就可以一條橋食到老, "功夫"咁收得, 周星馳都唔敢偷懶番炒開續集, 成個荷里活咁大, 都只有一對Wachowski brothers 可以做到 Matrix 2 好過 1 咁多!
"情癲大聖"意圖把故事改到面目全非其實係聰明的做法, 但可否不要爲開戲而開戲, 爲特技而開戲呢? 可否還原基本步, 因故事好, 故事吸引而開戲呢? 不一定"KingKong"才最好," 斷背山"都好好睇, 好收得呀! 就算在Hollywood, 亦有的失敗例子出現, 有Oscar 影后 (Gwyneth Paltrow), 有全世界最型0既男人(Jude Law), 及女人(Angelina Jolie), 也有特技, 但..又如何呢?! 故事唔得, 有咩都係冇用!

陳凱歌被稱為中國殿堂級導演, 真田廣之係日本國寶級演員, 整到成個鹹濕佬咁, 香港的張柏芝雖然美貌比出道差好遠, 但仍然係美女一名, 都可以攪到佢咁醜樣, 0係製造這齣垃圾之餘仲令香格里拉變成垃圾, 在資金充裕下, 攪成咁其實都幾難! 除了陶傑說把真田廣之攪成咁已能報日本打中國之仇, 這齣電影仲有什麼其他的價值呢?

其實諗深一層, 這兩齣電影係可以造就工人們有工開! 睇呢類戲咁諗先可以平息些少怒氣!!